30.10.2011

Хутка! Максі-сінгл "Масленіца"

1.04.2011

A&K прадстаўляюць новы відэа кліп да песні “Масленіца”.

Сумесна з музыкамі дуэту аўтарам ідэі рэжысэрам кліпу стаў Аляксандр Бурэй, выпускнік Брусэльскай акадэміі візуальных мастацтваў. Гэта іх другая сумесная праца. Папярэдняе відэа на песню “Отпусти” было створана таксама ў тандэме ў 2008 годзе.Здымкі праходзілі на тэрыторыі гісторыка-культурнага цэнтра “Рыцарскі замак” непасрэдна ў ты час, калі славяне святкуюць Масленіцу.
Праца над кліпам працягвалася тры здымачных дні. Першы дзень - у час канцэртнага выступу A&K сумесна з гуртом Ірдарат на фэстывалі “Белы замак-2011”, другі - у наступны дзень на сцэне канцэртнай залы Рыцарскага замка, трэцці - на цудоўным зімовым возеры.

А: Трэцці здымачны дзень мы правялі на вуліцы. Было марозна ды сонечна. Мы з сябрамі рабілі пудзіла з падручных матэрыялаў. Я ўвесь год збіраю розныя стужачкі, вяровачкі ды ўсялякую стракатую дробязь, якая радуе вока, з поўнай упэуненнасцю, што гэта “багацце” абавязкова спатрэбіцца для таго, каб змайстраваць масленічнае пудзіла. І сапраўды, у гэтым годзе пудзіла атрымалася вельмі сімпатычнае, нават шкада было яго спальваць!

К: Пудзіла было ўстаноулена на сярэдзіне замёрзлага возера. З сябрамі, касцюмаванымі персанажамі ды масоўкай мы з вялікай весялосцю вадзілі карагоды, але недзе у глыбіні душы пабойваліся, што лёд не вытрымае нашых празмерна бурных эмоцый ды вагі танцуючых людзей.

А: Нашы продкі верылі, што калі ўволю не пацешыцца на Масленіцу - тады жыць у горкай бядзе ўвесь наступны год. У гэтым годзе ў нас атрымалася ня толькі пацешыцца, але і зняць гэта на відэа. Кліп атрымаўся ненайграным ды пазітыўным.

К: Ў перспектыве хацелася б штогод святкаваць Масленіцу правядзеннем сольнага канцэрту ды гуляннямі ў Рыцарскім замку.

23.02.2011

Слухай новы трэк ад A&K - «Масленіца»!

09.01.2011

Слухай новы трэк ад A&K - «Тайна»!

10.12.2009
У пачатку снежня бягучага года выдавецкая кампанія “Вігма” прапанавала прыхільнікам дуэта “Аляксандра і Канстанцін” новую музычную складанку лепшага – дыск “Ключы златыя”. Альбом выдадзены для беларускіх слухачоў і налічвае 19 трэкаў - апрацоўкі і аўтарскія песьні дуэта. >>>>

13.05.2009 - 17.05.2009
У другой палове мая A&K прынялі ўдзел туры па абласных гарадах Беларусі. У рамках праекта ААН "Спыніць СНІД. Выканаць абяцанне" разам з іншымі ўдзельнікамі праекту далі шмат дабрачынных канцэртаў.

A&K: - Мы заўсёды неабыякава ставімся да чужой бяды. Спадзяемся, што наш удзел у гэтых канцэртах дапаможа маладым людзям уважліва адносіцца да свайго здароўя і абраць верны шлях у жыцці. Каб зьмяніць сьвет, трэба пачаць з сябе і з тых, каго ты кахаеш.

01.05.2009
Для песеннага і сужэнскага дуэта "Аляксандра і Канстанцін" вясна — пачатак напружанага гастрольнага сезону па краінах Еўропы. Так, у мінулыя гады беларускія артысты ў розныя часы прынялі ўдзел у шматлікіх музычных фестывалях, якія адбываліся ў Балгарыі (Discovery 2006), Сербіі (Sunflower 2007) і ў Маскве на святкаванні 850-годдзя расійскай сталіцы. Вось і цяпер выканаўцы выступілі на буйным міжнародным песенным фестывалі International Hit Song Ferstival 2009, які адбыўся ў самым цэнтры вострава Мальта, у яго сталіцы горадзе Валета.

A&K: - Як правіла, вясной і летам наша канцэртнае жыццё актывізуецца. Мы выступаем на розных канцэртных пляцоўках, у тым ліку і на міжнародных. Мы правялі на гэтым востраве амаль два тыдні. У канцэртным графіку было некалькі выступаў і інтэрв’ю на тэлеканалах Мальты. Падчас нашага знаходжання на востраве мы з радасцю даведаліся, што нашу песню "Мой Галілей" тут выдатна памятаюць, і мы пачулі шмат цёплых слоў ад прыхільнікаў «Еўрабачання». Нашы новыя песні і кліпы паступілі ў тэле- і радыёратацыю гэтай краіны.

Запрашэнне выступіць на Мальце мы атрымалі некалькі гадоў таму, але рэалізаваць яго атрымалася толькі зараз. Мы выступілі на сцэне песеннага фестывалю, які сабраў артыстаў з многіх еўрапейскіх краін: Англіі, Ізраіля, Грэцыі… Канцэрт трансляваўся ў прамым эфіры мальтыйскага тэлебачання. Гэта было вельмі адказна і хвалююча. Бо мы адзіныя прадстаўлялі папулярную музыку нашай краіны.

Як толькі мы трапілі на тэрыторыю аэрапорта, то з’явілася ўражанне, што машына часу перанесла нас у сярэднявечча. Такой колькасці выдатна захаванай даўнейшай архітэктуры мы яшчэ не бачылі. Шматлікія старажытныя храмы прыводзіла нас у захапленне.

Новую версію Еўравізійнага сінгла A&K "My Galileo" версія 2008 можна спампаваць тут!

28.11.2008
Аляксанра і Канстанцін, прадстаўнікі Зорнай каманды для барацьбы са СНІДам, якая створана ў Беларусі ў 2007 годзе як частка сусветнай кампаніі "Спыніць СНІД. Выканаць абяцанне" далі сваё абяцанне – быць вернымі свайму каханню. 28 лістапада Аляксанра і Канстанцін адыгралі вялікі сольны канцерт пад назвай Каханне супраць СНІДу. Гэты канцэрт быў прысвечаны 10- цігоддзю дуэта A&K. У канцэрце таксама прынялі ўдзел вядомыя беларускія артысты - лідэр гурта Палац Алег Хаменка, спявак Пётр Елфімаў, гурт Litesound, якія выканалі некаторыя песні сумесна з A&K. Таксама ў акцыі прынялі удзел славутыя беларускія спартсмены, прызёры Алімпійскіх гульняў.

10. 2008
На прыканцы кастрычніка ў этары тэлевізійных каналах Беларусі з’явіўся новы кліп A&K на песьню “Отпусти” (муз. В Малчанава, сл. О.Хiженковай). Рэжысэры кліпа - самі ўдзельнікі дуэту – Аляксандра Кірсанова ды Канстанцін Драпеза. Аператарам жа з’явіўся выпускнік Брусэльскай акадэміі візуальных мастацтвах Аляксандр Бурэй. На стварэнне кліпа патрабаваляся два здымачных дні, адзін з якіх прайшоў у павільёне, а другі ў сценаў разбуранай Белай царквы, у месцы, якое заваражвае сваёй прыгажосцю і добрай энергетыкай.

A&K: - Нам хацелася стварыць прыгожае відэа, прыемнае чалавечаму глазу. Спадзяемся, гэта ў нас атрымалася. Таксама хацелася б падзякваць усім тым, хто дапамагаў нам пры стварэнні кліпа – дзіўным птушкам, Аляксандру Бурэю, Ўладу Мурашкевічу, Вользе і Паўлу Пераверзевым, Жане Лявонавай, Мікалаю і Аляксею Купрэевым!

Новы видэaклiп "A&K" можнa паглядзець тут!

31.12.2007
2008 год дуэт "Аляксандра і Канстанцін" сустрэлі на замежных гастролях. 31 снежня артысты павіншавалі з новым годам жыхароў Балгарыі са сцэны, якая знаходзілася на цэнтральный плошчы Варны. Святочны канцэрт праходзіў пры шматтысячнай аўдыторыі. Пасля грандыёзнага фейрверку пачалася музычная праграма, якая працягвалася да пяці гадзінаў раніцы. У канцэрце прымалі ўдзел усе балгарскія зоркі і выканаўцы з Румыніі і ЗША. Таксама канцэрт трансліраваўся ў простым этэры па адным з балгарскіх тэлеканалаў.

08.2007
Напрыканцы жніуня дуэт Аляксандра і Канстанцін пашырлі геаграфію сваіх гастрольных вандровак, наведаўшы Сербію. Артысты выступілі на сцэне музычнага фестывалю Sunflower 2007 з канцэртнай праграмай, якую маглі бачыць не толькі людзі, якія прыйшлі на open air фэст, але і гледачы сербскага тэлебачання, якое ў простым этэры трансліравала выступ дуэта. Таксама Аляксандра і Канстанцін наведалі сталіцу Сербіі – Белград і горад Новы Сад >>>>

02.02.2007
2 лютага ў КЗ Мінск прайшоў сольны канцэрт A&K.
Былі выкананы песьні з новага альбома "Аўтаномная Навігацыя" і лепшыя песьні з папярэдніх дыскаў. >>>>

03.12.2006
Дуэт “Аляксандра і Канстанцін” скончыў працу над сваім новым відэакліпам "The Money & The Mountains". Праца над ім доўжылася амаль месяц, а рэжысэрам выступіў Сяргей Маеўскі, які ўжо зьняў два кліпы для дуэта – на “Сьвяты вечор” і "Stairs of Separation". Па рэжысэрскай задумцы Аляксандра Кірсавана мусіла сьпяваць у атачэньні птушак. Здымкі вырашана было праводзіць у адным з салонаў кветак. Музыкі жартуюць, што птушкі належным чынам ацанілі іх творчасьць і нават сям-там выканалі партыю бэк-вакалу.

Ангельскамоўная "The Money & The Mountains", якую можна перакласьці як “Грошы ды горы” – адзін з апошніх гітоў дуэта. Яе сэнс у адвечнай дылеме – што зьяўляецца галоўным у жыцьці – фінансавыя падлікі ці свабода і сапраўдныя каштоўнасьці. Аляксандра Кірсанава апавядае, што здымкі гэтага кліпа праходзілі адразу ў трох месцах – у кветкавым салоне, у студыі маладых фотамастакоў Jam Studio і на сцэне палаца культуры БелАЗ. Дарэчы, колісь гэты гігант аўтамабілебудаўніцтва падтрымаў выхад дэбютнага дыску дуэта “За ліхімі за марозамі”, і на гэтай сцэне калісьці музыкі пачыналі свой творчы шлях.

Па рэжысэрскай задумцы Аляксандра Кірсавана мусіла сьпяваць у атачэньні птушак. Гэтую частку кліпа здымалі ў адным з кветкавых салонаў Менску, сярод вялікай колькасьці кветак і разнастайных расьлінаў, у атачэньні птушак. “Як толькі Аляксандра пачынала сьпяваць, птушкі рэзка актывізаваліся, - апавядае Канстанцін Драпеза. – Ды так пяялі, што часам перакрывалі фанаграму!”. “Мне было надта прыемна, што музыка да “The Money & The Mountains" так кранула птушачак. Мяркую, што ім больш за ўсё прыйшліся да спадобы гукі акарыны, якія гучаць у гэтым творы”, - дадае Аляксандра.

Спампаваць "The Money & The Mountains"

14.10.2006
14 кастрычніка A&K прынялі ўдзел у сьвяткаванні Дзён Менску ў сталіцы Казахстана - Астане. На адной з самых галоўных сцэнаў Астаны – “Кангрэс-хол” – перад 3-тысячнай аўдыторыяй A&K выканалі некалькі беларускіх песень з новага дыска “Аўтаномная Навігацыя” і казахскую песьню “Караторгай”.

A&K: - Гэта песьня ў нашым рэпэртуары зьявілася невыпадкова. Калі мы бралі ўдзел у міжнародным конкурсе “Астана-2003”, то падрыхтавалі яе спэцыяльна да нашага выступу. Тады нам пашанцавала: мы сталі ляўрэатамі і атрымалі прыз за лепшую аранжыроўку.

A&K атрымалі прапанову ад прадусара казахскай зоркі Алтын-ай прыняць удзел у вялікім канцэрце, які плянуецца на сакавік 2007 года.

A&K: - Мы пазнаёміліся з Алтын-Ай падчас свайго мінулага візыта ў Астану. Тады Аляксандра сьпела ёй “Рэчаньку” і гэта песьня вельмі спадабалася казахскай сьпявачке. Цяпер Алтын-ай выконвае яе на сваіх канцэртах. Мабыць на адным з выступаў атрымаецца выканаць “Рэчаньку” разам.

2.09.2006
На Чырвонай плошчы адбыўся вялікі канцэрт, прысьвечаны сьвяткаванню Дня горада Масквы, ў якім узялі ўдзел расейскія ды беларускія артысты, у ліку якіх бы дуэт А&К.

A&K: - Адчуванні ад выступу цяжка перадаць словамі. Граць свае песьні ў самым сэрцы Масквы, у такім гістарычным месцы, у сьцен Крэмля перад шматтысячнай аўдыторыяй было цудоўна!

Аляксандра і Канстанцін сталі ўладальнікамі другой прэміі ў конкурсе выканаўцаў на 15-м міжнародным фэстывалі поп-музыкі Discovery 2006, які праходзіў 19-21 траўня ў Варне (Баўгарыя).

У конкурсе прымалі ўдзел 18 выканаўцаў зь 15 краінаў Эўропы і Азіі. Беларусь прадстаўляў дуэт “Аляксандра і Канстанцін”. Беларускія музыкі прадставілі дзьве песьні з новага дыска “Аўтаномная Навігацыя” – англамоўную “Stairs of Separation” і беларускамоўную “Сьвяты Вечор” і скарылі міжнароднае журы і публіку, стаўшы аднымі зь лепшых выканаўцаў фэсту.

Акрамя другой прэміі фэсту A&K атрымалі яшчэ адну ўзнагароду. Аляксандра Кірсанава была прызнаная самай прыгожай сьпявачкай фэстывалю і атрымала ў падарунак спэцыяльны прыз – упрыгожваньне, зробленае вядомым балгарскім майстрам Эвэлінай Пеневай. Таксама Аляксандра была ўзнагароджана спецыяльным дыпломам “Міс Турызм Балгарыі”.

23.03.2006

23 сакавіка ў “Бітлз-кафэ” дуэт “Aляксандра & Kанстанцін” прэзэнтаваў свой новы дыск “Аўтаномная Навігацыя” акустычным канцэртам. Выключна ў “жывым” гуку музыкі адыгралі новыя і ўжо вядомыя песьні з папярэдніх альбомаў. Дуэту акампанавалі знаныя беларускія музыкі: Карэн Карапецян – скрыпка і пэркусія, Мікалай Белановіч – бубны, Мікалай Сіўкоў – гітара.

Прыемным сюрпрызам для прысутных зьявіўся дуэт Аляксандры Кірсанавай і першай прадстаўніцы краіны на дзіцячай “Эўравізіі” Вольгі Сацюк. Разам яны засьпявалі калядную песьню “Сьвяты Вечор”, чым выклікалі захапленьне гасьцей прэзэнтацыі.

У стварэньні вясёлай атмасфэры прыняў удзел і гаспадар “Бітлз-кафэ” Віктар Маразевіч, які падараваў дуэту памятныя сувэніры з сымболікай кавярні, распавёў гасьцям цікавую гісторыю стварэньня свайго кафэ. Таксама Віктар папрасіў Аляксандру і Канстанціна пакінуць свае аўтографы на сьцяне “Бітлз-кафэ” побач з аўтографамі сусьветна вядомых гуртоў, якія наведвалі гэтае кафэ. У сваю чаргу A&K паабяцалі ўключыць ў свой рэпэртуар некалькі гітоў гурта “Бітлз” у сваёй арыгінальнай інтэрпрытацыі

Дуэт "Аляксандра і Канстанцін" стаў адным зь пераможцаў конкурса літоўскай песьні, які праходзіў у Паланзе ў межах Міжнароднага музычнага фэсту "Palangos Gaida 2005".

Удзельнікі зь Італіі, Гішпаніі, Кіпра, Мальты, Казахстана, Грузіі, Латвіі, Польшчы, Расіі і Беларусі мусілі выканаць папулярную песьню літоўскіх аўтараў на мове арыгіналаў альбо па-ангельску. "АіК" выбралі кампазыцыю пад назваю "Антылопа" і не памыліліся - па выніках конкурсу яны сталі ляўрэятамі трецяй прэміі.

Зараз вядуцца перамовы зь літоўскім бокам, і калі будзе атрымана прынцыповая згода аўтараў песьні, дык англамоўны варыянт "Антылопы" ўвойдзе ў новы альбом "АіК", выпуск якога заплянавана на восень 2005г.

Вялікі посьпех у Малой залі.
26 траўня ў малой залі Палаца Рэспублікі дуэт "Аляксандра і Канстанцін" прэзэнтаваў сваю новую канцэртовую праграму "Stairs Of Separation". У канцэрце прагучалі практычна ўсе ўпадабаныя слухачамі кампазыціі "А&К": "Пчолка", "Явар", "My Galileo", а таксама самыя новыя песьні, сярод якіх гіт "Stairs Of Separation", які й даў назоў усёй праграме. >>>>

Надоечы ў рэстарацыі "П'ер Сьмірноф", што месьціцца ў менскім гатэлі "Беларусь" адбыліся здымкі відэашэрагу да песьні "Stairs Of Separation" (Лесьвіца падзелу) дуэта "Аляксандра і Канстанцін" (рэжысэр Сяргей Маеўскі).

Сюжэт кліпу мае філязофскае значэньне: перад гераіняй паўстае неабходнасьць выбару - ісьці наперад ды парваць зь мінулым, ці застацца на месцы. Па задуме, у відэа два вобразы аднаго чалавека - мінулае і будучыня спрачаюцца між сабой. Стылістам і візажыстам выступіла Жана Леонава, якая да такой ступені папрацавала над вобразам Аляксандры, што адзін з фатографаў, што прыйшоў на здымкі, разгубіўся: маўляў, бачу Канстанціна, а дзе ж Аляксандра?

Відэа-кліп "Stairs of Separation"

Відэа

• "Пара Дамоў" (відэакліп)
• "Отпусти" (відэакліп)
• "My Galileo" (відэакліп)
• "The Money & The Mountains" (відэакліп)
• "Явар" (канцэртнае вiдэа)
• "Арол" (канцэртнае вiдэа)