Аўтаномная Навігацыя       Аляксандры і Канстанціна 2 лютага ў КЗ Мінск прайшоў сольны канцэрт A&K. Былі выкананы песьні з новага альбома "Аўтаномная Навігацыя" і лепшыя песьні з папярэдніх дыскаў. Акампаніравалі A&K выдатныя музыкі: Віктар Малчанаў - гітара, Карэн Карапецян - скрыпка і Мікалай Белановіч - бубны. У час канцэрта быў праведзены унікальны эксперымент. На сцэне, побач з музыкамі, знаходзіўся малады мастак Данііл Ермаловіч, які пераводзіў музыку A&K у візуальныя вобразы на халсце. У канцы канцэрта гледачы змаглі ўбычыць прагучаўшую музыку, праведзеную праз унутраны сьвет мастака. Нечаканасцю для прысутных на канцэрце з'явілася прапанова Канстанцінам рукі і сэрца і падарунак пярсцёнка Аляксандры. Перад канцэртам A&K мелі магчымасць пачуць цудоўныя гукі дуды ў выкананні ўдзелькікаў гурта Osimira.

A&K дзякуюць усім, хто дапамагаў у арганізацыі і правядзенні канцэрта: "Линии Звука" і Ўладзіміру Шаблінскаму, часопісу РИО і Юрыю Будзько, "Вестрекордс-плюс" і Мікалаю Сапунову, Ветру Мэханічнаму, Сяргею Маеўскаму, радыёстанцыям "Минская волна" і "Авторадио".

www.alexandrakonstantin.com